Majlinda Qilimi - Kryetar Bashkie, PS, Bashkia Delvinë
Majlinda Qilimi ka lindur në Delvinë, më 10 Maj 1971.
Ka ndjekur studimet e larta në Fakultetin e Shkencave Shoqërore të Universitetit “Eqrem Çabej” , në degën Gjuhë - Letërsi.
Është kualifikuar në vitin 2005 me titullin “Mësues Specialist” si dhe në vitin 2010 me titullin “Mësues i Kualifikuar”. Ka njës sërë eksperiacash si mësuese e lëndës Gjuhë Shqipe dhe Letërsi në disa shkolla 9 –vjeçare.
Ka kryer një sërë trajnimesh mbi mësimdhënien e diferencuar, zgjidhjen e konflikteve ndërmjet nxënësve në shkollë, planifikimin e orëve të lira në shkollë etj.
Është përfshirë gjithashtu në aktivitete shoqërore dhe politike në rrethin e Delvinës. Është anëtare e Partisë Socialiste Delvinë si dhe Anëtare e Forumit të Gruas Socialiste në Delvinë.
CV:
Premtimet elektorale:
Premtimet elektorale të zj. Majlinda Qilimi, Kryetare e Bashkisë Delvinë
1. Rivitalizimi i qendrës duke shtuar hapësira të gjelbra, duke vendosur më shumë stola dhe kënde për fëmijë por edhe duke e kthyer atë në shërbim të biznesit. Më pas do të shtrihemi në të gjitha rrugët e qytetit dhe te ato që lidhin fshatin me qytetin;
2. Ristrukturimi i muzeut do t’i shërbejë turizmit në zonë, duke u ndërthurur edhe me resurset natyrore që zona jonë ka;
3. Ngritja e një qendre sociale të përkujdesjes për shtresat dhe komunitetet më në nevojë të Delvinës.
Premtimet e arritura
- Sistemimi i sheshit në rrugën “Javer Malo”, sistemimi i ujërave të zeza dhe krijimi i një hapësire rekreative në këtë shesh.
- Pastrimi i kolektoreve në tokat bujqësore Rusan dhe Bamatat.
- Rikonstruksioni i godinës së Muzeut Historik të qytetit të Delvinës.
- Rehabilitimi i aksit rrugor Kardhiq – Delvinë.
- Rehabilitimi i rrugëve rurale në fshatin Varfaj.
- Shtrimi i 12 km rrjet i ri dhe linjë kryesore prej rreth 1,5 km që siguron ujë të pijshëm 24 orë për banorët e Delvinës.
- Hapja e tunelit të Skërficës në aksin rrugor Delvinë-Kardhiq.
- Hapja e Urës së Gurrës dhe asfaltimi i rrugës nga kjo urë deri në Fushë Vërri.
- Shpërndarja e 50 koshave të rinj për mbeturina në Bashkinë Delvinë dhe fshatrat përreth.
- Rehabilitimi i rrugës tejet të amortizuar në fshatin Kalasë.
- Pastrimi i kanalit kullues në fshatin Isak.
- Pastrimi i një prej kolektoreve kryesorë, në funksion të kullimit të dy blloqeve me sipërfaqe prej 80 hektarësh në tokat e fshatit Bamatat.
- Mirëmbajtja dhe shtimi i hapësirave të gjelbra në qytetin e Delvinës.
- Pastrimi i qendrës dhe rrugës kryesore të fshatit Rusan.
- Pastrimi dhe rehabilitimi i lagjes “9 Tetori” në Kasapaj.
- Pastrimi dhe rehabilitimi i lagjes "Lejla Malo" në Mukes.
- Rehabilitimi dhe rikthimi në funksionalitet i kanalit furnizues të Palavlisë.
- Rehabilitimi i rrugës hyrëse në fshatin Vergo, Njësia Administrative Vergo.
- Pastrimi i rrugës së Xhermëhallës dhe rregullimi i trotuareve të dëmtuara në qytet.
- Rehabilitimi i rrugës Shijan – Finiq.
- Pastrimi i mbeturinave në rrugën Delvinë – Stjar.
- Gërmim, mbushje dhe nivelim i rrugës Delvinë – Manastiri i Kamenës.
Premtimet pjesërisht të arritura (në proçes)
- Vazhdojnë punimet për ndërtimin e rrjetit të ujërave të zeza në fshatin Stjar, në territorin e quajtur "Lagjja e Çarçanëve.
- Vijon puna për pastrimin e kanaleve anësore dhe rehabilitimin e rrugëve dytësore në fshatin Rusan.
- Vazhdojnë punimet për rikonstruksionin e rrugëve të brendshme të qytetit Delvinë. Aktualisht po punohet në rrugën"Rruga e Zejtarëve" për të vazhduar më tej me sistemimin e rrugës "Gaqo Lula" dhe "Daut Barimi".